Kabhi apni hasi par aataa hai gussaa,
Kabhi saare jag ko hasaane ko jee chaahtaa hai..
Kabhi rotee nahi main badi badi baaton par,
Kabhi yun hi aansoo bahaane ko jee chaahtaa hai..
Kabhi achchhaa lagtaa hai aakash mein udnaa,
Kabhi kisi bandhan mein bandh jaane ko jee chaahtaa hai..
Kabhi apne bhi lagte hain begaane se,
Kabhi begaano ko bhi apnaane ko jee chaahtaa hai..
Kabhi saaree duniyaa kaa saath bahot bhaataa hai,
Kabhi khud ko bhi bhool jaane ko jee chaahtaa hai..
Kabhi mann chaahe saaree duniyaa ki daulat,
Kabhi apni bhi gawaane ko jee chaahtaa hai..
Kabhi mann chaahe nayaa jeevan,
Kabhi ise bhi mitaane ko jee chaahtaa hai..
